| स्यान्नारकस्तु नरको निरयो दुर्गतिः स्त्रियाम् |
| तद्भेदास्तपनाऽवीचिमहारौरवरौरवाः |
| संघातः कालसूत्रं चेत्याद्याः सत्त्वास्तु नारकाः |
| प्रेता वैतरणी सिन्धुः स्यादलक्ष्मीस्तु निरृतिः |
| विष्टिराजूः कारणा तु यातना तीव्रवेदना |
| पीडा बाधा व्यथा दुःखमामनस्यं प्रसूतिजम् |
| स्यात्कष्टं कृच्छ्रमाभीलं त्रिष्वेषां भेद्यगामि यत् |
| समुद्रोऽब्धिरकूपारः पारावारः सरित्पतिः |
| उदन्वानुदधिः सिन्धुः सरस्वान्सागरोऽर्णवः |
| रत्नाकरो जलनिधिर्यादःपतिरपाम्पतिः |
| तस्य प्रभेदाः क्षीरोदो लवणोदस्तथाऽपरे |
| आपः स्त्री भूम्नि वार्वारि सलिलं कमलं जलम् |
| पयः कीलालममृतं जीवनं भुवनं वनम् |
| कबन्धमुदकं पाथः पुष्करं सर्वतोमुखम् |